早前與友人到北海道Niseko滑雪的趙式芝（GiGi），玩足五日四夜依然未夠喉，計劃農曆新年再到當地滑個痛快。十一歲開始滑雪的GiGi表示每次都玩到瘀腫難分：「今次跌得好『甘』，第一日就由山頂碌咗落半山，好彩嗰度地方大，冇撞到人。」另外，GiGi透露滑雪的紅色褲是爹哋趙世曾的：「我讀大學時，唔捨得買滑雪褲，見到佢嗰條又好鍾意，所以就問佢借，之後每次滑雪都會着住，條褲我諗都有三十年，陪咗我好耐。」
趙式芝表示所着的滑雪褲是向父親借來的。
