陳慧琳懷孖B唔敢出街
陳慧琳（Kelly）宣布人工受孕懷孖胎後，昨日在家專心養胎，她接受本報記者電話訪問時說：「屋企出面好多狗仔車，嚇到我唔敢出街，怕畀佢哋嚇親影出嚟啲相唔靚，我依家唔嚇得，大家記得嗌聲我，我會企定定影相。」而Kelly老公Alex昨午駕車回家時以手遮面。本報收到消息指Kelly懷龍鳳胎，她哈哈笑說：「未知！前幾日照超聲波，醫生話未睇到性別！」Kelly會將衣帽間改做BB房，問到「蝦餃仔」會否與孖B同房？她說：「唔會！我怕佢哋互相嘈醒。」為了清理衣帽間，她執拾了逾百件衣物作慈善義賣，善款撥捐「陳慧琳兒童助學基金」。此外，謝安琪昨日與信和集團商場推廣總經理蘇蔡潔蓮在奧海城出席活動，她指Kelly是神話，問到會否接受人工受孕？她說：「可以！但我太忙，未諗住生第二個。」另外，商天娥亦戥Kelly開心，她說：「我就唔生喇！我老Kelly咁多，除非意外有！」
陳慧琳已育有「蝦餃仔」，現再懷有孖胎。（資料圖片）