執阿佘二攤張可頤蝕水
佘詩曼日前不慎跌甩手臼，需打石膏及休養六周，被迫辭演新劇《法證先鋒Ⅲ》，監製梅小青惟有找張可頤頂替阿佘！前日「接旨」的張可頤昨日接受電話訪問時說：「公司專搵我做呢啲急嘢，冇法啦！大家都好急，但係咁啱又啱機緣。尋日小青姐打畀我傾咗一個鐘，劇本都未睇，星期一造型後就開工，希望雙方都配合到！」張可頤原定為賀歲片《我愛HK開心萬歲》宣傳後即返內地登台掘金，但現時要頂替阿佘開劇，要推掉原定工作：「呢啲小意思啦！冇諗損失！今次第一次做法醫，同黎耀祥好多年冇合作，相信會有火花！」
另外，有份演出《法》劇的胡定欣錄影賀年節目時表示，雖然新劇臨時易角，但未有影響拍攝進度，更期待與視后級的張可頤首度合作。
張可頤臨危受命頂替阿佘演出新劇。（資料圖片）