黃曉明與Angelababy早前情侶檔拍攝賀年廣告，關係日漸明朗化，近日曉明化身「外賣仔」，親身送炸雞到片場給Baby做消夜！日前Baby到深圳名店拍攝新片，被一名自稱店員的網民上載現場相，更踢爆曉明當日到現場探班，並寫道：「聽到有人話『我買了炸雞』，原來係黃曉明過咗嚟探班，仲買埋消夜過嚟。」不過曉明逗留一會即閃人！本報記者向Baby經理人Kim求證，她說：「Baby拍呢場戲拍咗10個鐘，呢排忙住喺深圳同廣州兩邊走！（曉明送消夜？）唔回應喇！做嘢啫！」