Juno出「包」招氹掂Stephy

麥浚龍與鄧麗欣最近合作拍戲，初時在片場未見交流，其後他主動出冧招玩猜拳打破隔閡，還氹得對方哈哈大笑！

麥浚龍（Juno）與鄧麗欣（Stephy）最近合作新片《小雙俠》（暫名），立即令人聯想到兩人分別與鍾欣桐及方力申傳緋聞，關係千絲萬縷。電影日前正式開工，兩人在片場內起初表現生疏，鮮有交談。不過，Juno決定主動出擊打破隔閡，邀請她玩「包、剪、揼」打開話題。他還故意「彈弓手」加插鬥嘴，逗得Stephy笑容滿面。

事後，Juno表示與Stephy合作不感尷尬：「佢比我印象中更加靜，要多啲溝通先做到導演要求我哋要有嘅嘢。選角係由導演同監製決定，我哋係有愛情線，我又唔介意大家揣測！總之拍完大家就會知係動作為主，啲新聞亦唔會影響我哋嘅關係。」

孭溫超喪跑

另外，Juno拍攝時孭着「廣州星爺」溫超連跑幾層樓梯，但仍面不改容，他說：「估唔到溫超都幾重，好在我做開運動應付到。」面部「重傷」的溫超長時間被假血漿遮面，還要被按在地上拳打腳踢，受盡皮肉之苦，但他表示不介意：「最重要係演得好、神似同效果好啫！」