3字頭阿嬌淚眼切蛋糕
身在內地無錫拍劇的鍾欣桐（阿嬌）昨日30歲生日，已連續兩年在當地過生日的她，笑言與當地很有緣分：「無論新曆同舊曆生日都喺無錫，不過喺工作中過生日都幾開心！」她表示日前已獲歌迷及工作人員送上蛋糕預祝：「未到今日正日，已經切咗3個蛋糕。」
願望天災減少
由於阿嬌剛踏入3字頭，歌迷刻意在蛋糕上插上「29」及「1」字蠟燭，她笑說：「唔介意畀人知我幾多歲，由入行開始，年齡已經唔係秘密，見到歌迷喺大雪下專程坐車嚟同我慶祝，真係開心到飛起！」她切蛋糕時感動得眼濕濕，並有感而發地說：「真係好多謝呢10年嚟真心支持我嘅歌迷，佢哋唔間斷咁用唔同方式為我打氣同鼓勵。」談及生日願望，阿嬌希望自己及身邊人都身體健康：「仲有真心希望和平同少啲天災。」
今年是Twins入行10年，阿嬌透露將有一連串慶祝活動：「先出國語碟，之後會有好多慶祝活動，相信今年係我最期待同驚喜嘅一年！」
阿嬌未到生日已切了三個蛋糕，證明人緣超好！
歌迷冒雪到無錫為阿嬌慶祝生日，令她感動到眼濕濕。
阿嬌誠心許願，希望世界和平及天災減少。
今年是Twins入行10周年，拍檔蔡卓妍（右）日前已送上蛋糕為阿嬌預祝生日。（資料圖片）