五大唱片公司均有歌手出席年卅晚由亞視舉辦的春晚節目，環球唱片旗下的關楚耀，昨日與模特兒Evelyn出席《Chocoolate x Bit Bit小克慈善簽名活動》，被問到會否亮相春晚？他說：「冇通知我。」問到若亮相亞視會否擔心影響與無綫關係？他說：「都冇得驚！希望唱片公司同無綫快啲有共識！」他稍後還會拍亞視處境劇：「亮相亞視對於一啲想衝出香港嘅歌手嚟講都係好事，嚟緊都會多啲向內地發展。」
