前香港商務及經濟發展局局長馬時亨昨日出席活動，談及舅父曾啟榮（曾志偉父親）去世時一度眼濕濕，他表示與舅父關係密切：「細個屋企好窮，佢每星期都帶我同細佬妹去食嘢，過時過節又會買新衫畀我哋，嗰種關心係錢買唔到！」他指舅父去得非常安詳：「個個都陪住佢，四代同堂。（志偉喊到好激動？）個個都喊得好激動。」並表示目前應該尚未進行火化儀式。而同場的余少寶則表示與曾傳緋聞的李錦聯「唔熟」，劃清界線。
馬時亨講述與舅父的生活點滴，二人關係密切。
