黃麗梅否認唱亞視
黃麗梅為亞視拍攝的飲食節目《上海好味道》收視不俗，但前日有指她狂數亞視拖欠人工。昨日她直斥報道有歪曲之嫌：「亞視係我娘家，我愛都嚟唔切，唔係追人工，只係追份合約，保障演員，因為今次去汕頭拍外景，地方比較遠，要等亞視出咗份約我哋先起行。早年亞視試過欠我二百幾萬都還咗，今次幾萬蚊，算係咩？幾萬蚊我買衫都未夠啦！」她表示已向亞視高層葉家寶道歉，並在微博澄清。至於葉家寶則表示，雙方合作方式是播完才付款，相信農曆新年前已付清款項，但指對方還未簽回自動轉帳表格。另一亞視藝人鮑起靜亦力撐亞視一向準時出糧。
