柏豪出口護蓮 「唔好蝦佢」

由台灣藝人陳建州與余文樂發起的慈善籃球賽日前順利完成，當晚何超蓮現身撐緋聞男友周柏豪，成為焦點，周柏豪感到不好意思，強調超蓮是「細路女」，希望大家不要欺負她。

周柏豪昨日出席活動，問到緋聞女友何超蓮現身支持Love Life慈善籃球賽，成為焦點，柏豪說：「覺得唔好意思，其實應該Focus喺慈善，因為好多人畀心機去做。（點解唔叫佢唔好嚟？）唔知會上C1（娛樂頭條），佢真係嚟做善事，冇理由拒絕，佢係細路女，大家唔好蝦佢。（佢追你？）唔好話邊個追邊個，大家朋友。（佢係你杯茶？）唔好咁講，唔想畀人感覺高攀佢，一直以來自力更生。（唔想靠女仔？）係呀！」

A貨Tee撒網

而當晚籃球賽所送的紀念Tee被製成A貨，並在網上發售，像真度極高，價錢由38至350港元不等，橫洲工業隊長余文樂說：「唔希望不法商人利用慈善牟利，已經幫橫洲工業申請緊註冊商標，我哋一向冇賣紀念品。（用埋你肖像宣傳？）交畀公司處理。（已經賣出20件？）大家要小心。」另外，余文樂昨日在微博上載一張與何韻詩相擁的照片，並說：「終於可以和女朋友相遇了。」

文：高橋康