周慧敏開工「論盡」跣裙露底

「玉女掌門人」周慧敏前晚錄影音樂節目，邀得古巨基、鄭丹瑞及阮兆祥等任嘉賓，除了於節目上獻唱外，還輪住踢爆她的瘀事！

已十多年沒有到無綫錄影節目的周慧敏（Vivian），前日再到電視城為音樂節目《周慧敏．最愛V25》錄影，埋位前自爆心情緊張，指今次錄影為其個唱作準備。問到可有特別為節目練歌？她表示因時間倉卒，當得知要自彈自唱才急急練琴。提到個唱，Vivian透露正積極練歌：「平時唱K嗰啲唔得o架！我依家跟聲樂老師練緊。」她又指仍未決定邀請哪位嘉賓，密友基仔聞言即表示「隨時候命」，認真老友！

膺「學界柏原芳惠」

節目上，阮兆祥透露與Vivian於讀書時期已認識，兩人更曾一起參加歌唱比賽，他笑說：「嗰時啲人叫我做『學界陳百強』，叫佢做『學界柏原芳惠』（日本女星）o架！」鄭丹瑞（阿旦）聞言即笑說：「Vivian靚過佢十倍啦！」哄得她哈哈大笑。阿旦又剖白對Vivian的初次印象：「我覺得佢好『論盡』，咩都跌晒囉！」慘被踢爆瘀事的她毫不介意，更自爆錄影曾發生既嚇人又爆笑的走光經驗：「我試過錄《勁歌》時條裙跌咗落嚟，變咗半截裙咁，好彩我係『打底王』，所以冇事！」

身為老友的基仔見「爆開有條路」，加入玩踢爆Vivian：「我哋好中意打桌球，咁平時應該係用白波打其他顏色嘅波，但我見過佢係相反o架囉！用其他波打白波！」難怪錄影期間笑聲不斷！

文：影視組