峰騷周秀娜夾鏈誘羅仲謙

潮模「娜姐」周秀娜的誘人身段深受不少宅男歡迎，但「峰」騷身材也會帶來不便，昨日娜姐自稱鏈墜不慎「攝」入深長的事業線中。

周秀娜（Chrissie）與羅仲謙昨日結伴出席《GUESS 2011春夏腕錶及首飾系列預覽》，穿上性感Tube Dress加外套的娜姐大騷深長事業線，期間二人分享配襯服裝及首飾的心得，娜姐更為謙仔試戴手錶，另一邊廂謙仔又細心地為娜姐戴上頸鏈，不過娜姐卻踢爆謙仔把鏈墜「攝」了入事業線內，場面尷尬！

其後娜姐表示男人為女人戴頸鏈是十分浪漫的場面，問到如何選購頸鏈，會否考慮頸鏈長度免「攝」入事業線內？她說：「長短都好緊要，我咩長度都得，最緊要靚！（男朋友幫你戴頸鏈？）佢對手比較忙，要剪頭髮，不過佢有送過畀我！」

唔怕男友呷醋

另外，娜姐又承認曾拉攏曼聯球星里奧費迪南開微博，並透露對方將於五月來港：「唔知大家到時有冇合作，到時如果我得閒都會帶佢去遊山玩水！（佢會幫你戴頸鏈？）哈！佢對手應該得閒，因為佢只係用腳踢波！（男友呷醋？）唔會，一個踢波，一個打籃球（指男友），兩個永遠都唔會係對手！」