鄧麗欣先贏小方再撻Juno

與方力申（Alex）的戀情早已浮面的鄧麗欣（Stephy），將與麥浚龍（Juno）合作拍攝新戲《小雙俠》（暫名），二人於片中合演情侶，由於Stephy正印方力申與拍檔麥浚龍都是鍾欣桐（阿嬌）的前緋聞男友，戲裏戲外Stephy都似乎搶贏阿嬌！

Juno在《小》片中飾演一名「外賣仔」，他要在眾多驚險動作場面中拯救女友Stephy，包括被車撞及與人對打等。雖然動作危險，但Juno堅持親身上陣。另外，Stepy在戲中要騎電單車載Juno，問Juno怕不怕貼身接觸會令女友呷醋，他說：「唔怕，都係工作啫！（咁有冇親熱場面？）有一場想錫，但係錫唔到。」戲中演員還有再戰影壇的女星夏文汐飾演Juno媽媽，與初次在電影演出的「廣州星爺」溫超。其實此片已經開拍數天，眾演員都表示工作愉快。

此外，有Fans在微博為阿嬌與阿Sa（蔡卓妍）在微博製作假結婚證書，阿嬌在微博留言：「其實我同sasa是不可能結婚的，你們放過我們吧！」而阿Sa則抵死寫：「哇哈哈…但你還是蔡太or你想我做鍾太？」