林欣彤日夜顛倒爆瘡

蔡依林現壓力禿，林欣彤則被發現有壓力瘡，她前晚出席《TVB全球華人新秀歌唱大賽2010決賽》錄影，她承認仍未能適應娛樂圈日夜顛倒的生活，以致面上勁爆「壓力瘡」，她說：「成日都要捱眼瞓，不過遲啲學校開始放假，到時要早啲瞓，好好休息養好啲皮膚。」

同場，以評判身份出席的陳奐仁，對於有指好友MC Jin下月在美國結婚，他表示曾聽對方提及：「應該係。（出席？）抽到時間都會盡量出席。（見過佢女友？）舊年都有見過，佢好叻、人又好又靚。佢以前喺紐約做過同娛樂有關嘅嘢，但唔係圈中人。」比賽冠、亞、季軍分別為香港代表胡鴻鈞、張貽博和陳慧瑩，而張穎則奪網上人氣獎。

林欣彤自爆面上爆壓力瘡，急覓治療良方。