露得Enjoy鄭融毛得頂 將冰山劈開Ivana背俘人
雖然天寒地凍,但女星仍冒寒騷到盡,正如鄭融露腿;王菀之(Ivana) 晒玉背俘虜歌迷,且看「時裝判官」張學潤如何品評諸位搏到盡的女星!
鄭融 走在最前
評語:鄭融雖然比較嬌滴滴,但一向畀人感覺時尚同有Style,呢套毛毛衫加毛毛鞋都唔例外,着得好有時代感,每個部分都恰到好處。
評分:8分
徐子淇 剪裁累事
評語:件衫着到已經減到好瘦嘅子淇好肥,Cutting唔係咁啱佢,如果腰位收番落少少會更好,佢都係啱着較有格調嘅晚裝。
評分:6分
何超雲 撞出美態
評語:全套衫着重玩色,雖然以橙色為主,不過撞得好Match,Cutting都唔錯,能夠發揮超雲嘅玲瓏曲線美!
評分:8分
官恩娜 創意十足
評語:套衫幾特別,而且幾有創意,不過條牛仔褲令整體形象減咗分,如果換過對黑色絲襪或者黑色Leggings會型好多。
評分:7分
王菀之 後來居上
評語:個人認為Ivana(王菀之)幾啱着啲特殊嘅衫,呢件衫幾特別、幾有趣,着喺佢身上相當好睇,加上大晒白滑背脊,絕對加晒分!
評分:8分 (10分為滿分)
趙碩之 黑襪異相
評語:套衫幾好睇,而且佢都着得唔錯!不過對襪唔長唔短睇落有啲奇怪,如果換對黑色絲襪會令效果更加有時代感。
評分:5分
謝安琪 似垃圾袋
評語:個人認為呢件衫係呢個牌子裏面最醜嗰件,前面好似一堆垃圾膠袋!佢條灰色短裙亦唔襯成個形象,如果換條黑色熱褲會好啲!
評分:4分
謝金燕 露得低俗
評語:佢條裙好似為咗刻意晒腿而着,十足十女人街賣嗰啲性感睡衣,真係唔明佢點解咁都會着上台?佢應該花多啲心思襯衫。
評分:2分
Profile
著名時裝設計師兼形象指導張學潤(Nelson),在娛樂圈打滾近二十年,審美眼光獨到,評衫作風敢言大膽,行內人稱之為「時裝判官」。
鄭融
徐子淇
何超雲
官恩娜
林梓瑤
王菀之
趙碩之
謝安琪
謝金燕