薛芷倫咬斷脷痛苦回憶

患乳癌病愈的薛芷倫（Fanny）於除夕晚健康回歸，昨日她接受本報訪問時，大談治療的痛苦經歷，令她體會到親人的愛遠比外表永恒。

先後接受三次化療的Fanny在電話中談及化療產生的副作用，她說：「我做完第一次化療後，得到Stevens Johnson Syndrome（史蒂芬強森症候群），全身潰爛非常恐怖，你係唔能夠相信個嘴可以爛到咁。到做完第二次化療，我喺屋企昏迷，由家人送院，當時冇知覺，心跳非常慢，全身抽筋又嘔白泡，仲咬斷條脷，成個嘴係血。因為我咬斷條脷，變得口齒不清，過咗幾個月先開始講番嘢！」

眉毛全脫落

Fanny稱昏迷時完全沒有記憶，後來從家人口中得知，當時家人在床邊不停跟她說話、喚醒她。她感觸地說：「醒番見到仔女同前夫（馬清偉）喺床邊，好感動、好窩心、好有安全感。」治療期間，她的頭髮及眉毛全脫落而變得零自信，但得到家人鼓勵，令她重拾自信，她說：「成件事感受最深係外表美麗唔係永恒，親人嘅愛先係永恒。」而Fanny在微博上以「烏雲背後有晴天」，與人共勉。

馬清偉心痛

Fanny感激前夫馬清偉對她的愛護，而馬清偉則表示雖然不會復合，但視對方為好朋友，他說：「佢算係大步檻過。（當時佢全身潰爛好心痛？）你見到任何親人咁樣都好心痛。（你有咩領悟？）係人都要經歷生老病死，如果發生喺親人身上，當然希望佢好番，大家要珍惜身體。」