樂易玲懶理崔建邦
崔建邦（Amigo）涉嫌停牌揸車，自知闖下大禍而多日「冇影」，製作資源部總監樂易玲昨回覆記者時稱冇時間理他：「我好忙，正閉關處理公司埋數，年尾同事嘅雙糧……唔得閒理佢嘅事！我亦都冇見過佢！」
而「舊愛」唐詩詠昨日出席活動，亦聲稱沒有跟Amigo見面，更沒有SMS對方：「最近我哋亦冇見面，亦冇SMS佢，唔想搞住佢。」
Amigo遭「離棄」，本於下周六無綫舉行的《十大勁歌總選》司儀工作亦被飛出局。負責《勁歌》之高層陳家揚昨承認此事，並稱現正開會研究頂替Amigo人選，下周將有定案。據知，目前無綫正考慮王祖藍、阮兆祥或金剛，三人中揀一人補上。
昨晚舉行的《慈善星輝仁濟夜》，本是司儀的崔建邦繼續「失蹤」，因氣管問題未病好的林欣彤坦言唱Live有壓力。
崔建邦連日來皆與外界隔絕。 （資料圖片）
林欣彤帶病演出《慈善星輝仁濟夜》。