超雲唔吼林峯150%冇可能

與林峯傳緋聞的何鴻燊三太女兒何超雲，最近被指欲跟林峯好友陳山聰來往而拉近與林峯的距離。超雲昨日「嚴正聲明」，並兩度強調和林峯150%冇可能！

自從何超雲去年和皮草太子爺王大業分手後，一直都被拍得與不少男伴出雙入對，更先後跟林峯及周柏豪傳出緋聞，雖然全皆否認，但最近有指超雲為拉近和林峯的距離，故「投其所好」，和林峯好友陳山聰玩微博及行街增進友誼，從而可跟林峯再有進一步關係。

身在泰國旅遊的超雲，昨日接受本報電話訪問時說：「我同陳山聰唔係朋友，我哋喺微博都冇乜講嘢，不如你哋Check吓！如果我真係要搵林峯，都唔需要用呢個途徑，絕對冇呢件事。」她續說：「我同林峯只係Hi Bye Friend，只係有次廿幾人出嚟食過一次飯，嚴格嚟講唔算係朋友，（未來會唔會係朋友？）咁你要問未來，唔知，我唔想拉人落水！（林峯係咪你喜歡嘅類型？）冇分類唔類型，你哋都影咗我好多戀情，個個都唔同Typeo架啦！」

問到現在有否拍拖，超雲說：「冇！否則你哋問我新年願望，我都唔會話想搵男朋友啦！（同林峯有冇發展機會？）150%冇！係150%！」而超雲亦在微博寫道：「多謝各位傳媒一直對我的關心，我很享受現在單身生活，希望各界不要再胡亂猜測！同時，我也不希望再因我的私人生活會為別人帶來煩惱！謝謝！」

超蓮出席表姐婚禮

對有指被超雲借過橋，身在外地的陳山聰笑說:「咁我真係要檢討，話我哋行得好埋都換唔到緋聞男友稱呼，其實我同超雲唔熟，只係Hi、Bye朋友啫!」

此外，何超蓮在自己的微博中上載了兩張相片，表示出席了表姐的婚禮，還大讚對方是最漂亮的新娘。