祖兒奪獎微博致謝
英皇跟東亞因不滿港台，聯手杯葛前晚舉行的頒獎禮，雖然容祖兒缺席，但憑實力仍奪三個大獎，昨日祖兒在微博大方留言感謝港台厚愛。英皇行政總裁吳雨在電話訪問中談到《十大中文金曲》時態度冷淡：「我哋冇攞！（啲獎點？）電台會通知公司同事去攞啩！（英皇共擸咗5個獎，滿唔滿意？）冇話滿唔滿意，人哋畀獎我哋啲歌手，我都戥佢哋開心，但我哋冇爭取出席，攞幾多冇計！（你好冷淡？）冇話冷唔冷淡，只係針對呢個頒獎禮機制，而唔係港台，希望大家繼續合作，完咗呢個爭拗都告一段落！」而蔡卓妍（阿Sa）前晚難得放假，即欣賞偶像尊尼特普的新片，並在微博留言大讚偶像好帥。
缺席《十大中文金曲》的祖兒，在微博留言感謝港台厚愛。（資料圖片）
吳雨（右）冷淡回應旗下歌手在《十大中文金曲》的成績。