Ella 捱凍谷「事業」狂拉衫
去年人氣急升的官恩娜（Ella），前晚在頒獎禮勇奪「全年最佳進步獎」銀獎，身穿低胸露肩裝的她不時拉衫，但仍不慎露出Bra邊，事後力撐冇走光：「係個蝴蝶結未綁好啫！我冇諗過咁凍，頭先坐喺台度都有着住件褸，領獎嗰陣先除咗，我都貼晒暖包！（猛咁抽裙嘅？）我貼晒膠紙貼得好實，頭先司儀見我除褸好大反應，多謝大家咁好反應！本來想着埋件褸攞獎，不過唔想嘥咗Stylist嘅心機，其實都唔係好凍啫！」
相隔6年再奪獎
問到男友會否介意她性感示人？Ella笑說：「都唔係好性感啫！本來件衫仲Deep V啲，已經改咗好多，我都冇賣弄事業線！」她表示自出道時獲電台頒發新人獎後，已有6年未有在該台得獎：「好大鼓勵！今年我會造音樂，希望事業愈嚟愈好，下年上台唱埋歌！」至於設計師郭慶彬評Ella的Jumpsuit不夠隆重：「唔似上台攞獎！」
官恩娜上台領獎時，動作媲美出水芙蓉，令人眼前一亮！
RubberBand（左一至三）、官恩娜及周柏豪去年大躍進，自然不會空手而回。
Ella以超低胸裝上陣，Eason都不禁(目及)實！