Eason見Kay跌帶袖手旁觀

緋聞男女頒獎禮同場，「收視率」往往勝過頒獎禮本身！曾傳緋聞的陳奕迅（Eason）與謝安琪（Kay），前晚，上演一幕「跌帶記」，期間Eason欲幫Kay執帶，惟因尷尬而停手。

前晚舉行的《第三十三屆十大中文金曲頒獎禮》在一片「冷」清氣氛下結束，環球歌手奪17獎成為大贏家，單是Eason已獨攬7獎，難怪心情十分風騷。正當樂隊Mr.、Kay及張敬軒等環球歌手在後台影大合照，緋聞情侶Eason與Kay上演「跌帶記」，當時Kay的紅色腰帶突然脫落，由於她手捧兩獎不方便整理，惟有即時大叫，身旁的Eason和Mr.的Dash見狀欲彎身執帶，但Eason卻十分避忌，尷尷尬尬即時停手，台邊的女工作人員見狀即衝上台代勞，而Eason、Dash及軒仔則築起人牆掩護。

台灣開騷與無綫打對台

於三個頒獎禮中共奪17.5獎的Eason，成績斐然，他說：「我鍾意7字，17好！」屬「四大」唱片旗下的他，因「四大」與無綫關係仍未好轉，故將緣盡《勁歌》，問到是否17.5獎止步？他說：「啋過你！（《勁歌》冇獎？）係喎！仲有其他網上頒獎禮！（冇容祖兒陪會好悶？）佢哋唔喺度，我都不停咁吹！」問到若獲邀出席《勁歌總選》又如何，他說：「我14同15號喺台灣開騷。」頒獎禮後，環球拉大隊慶功，軒仔因翌日要早起，逗留5分鐘即閃。對於軒仔奪「全國最佳中文歌曲獎」及方大同奪「全國最佳男歌手獎」，Eason說：「方大同攞獎我都好開心！（軒仔呢？）輸咗又點，唔同台有唔同機制！」

漏口風暗示續約環球

此外，Eason與環球的續約問題亦成為近日焦點，多間公司爭奪他，有指金牌大風主席龐維仁指他要5億過檔費，簽他極有難度，對此Eason說：「當時係吹水，簽金牌大風機會好微！」他表示簽公司並非講價錢，而是看默契及緣分。前晚他領獎時曾有感而發感謝唱片公司同事，指大家合作多年很開心，希望創造更多好音樂，言下之意似會續約環球。本報昨日致電環球高級副總裁黃劍濤，他說：Offer畀咗陳家瑛，希望月底答覆！（信心幾大？）有機會！（多人挖角壓力大？）誠意做足，睇緣分！」陳家瑛說：「多謝咁多人錫佢，無言感激！（Eason漏口風？）多謝環球咁盡心同佢做音樂。（意味留低？）畀合約過嚟先！（黃劍濤畀咗Offer？）未畀張約！」