惠英紅撐薛凱琪得獎有理
前晚薛凱琪（Fiona）於《演藝人2010傑出表現獎頒獎典禮》中，砌低影后惠英紅及吳君如勇奪「電影傑出表現女演員」，本報訪問三位評審，大家一致撐薛凱琪得獎有理，葉童說：「電影本身係藝術冇標準，評審可能對某人演出比較深刻，但唔代表其他人唔好，呢個唔係個人成就獎。」
演技有突破
張同祖及陳自強亦撐薛凱琪演出有突破，陳自強說：「小紅（惠英紅）好戲係無可否認，呢個獎始終唔係揀最佳女主角！」獲評審厚愛的薛凱琪說：「好多謝評審畀機會新人！」惠英紅亦力撐後輩薛凱琪：「輸咗冇話抵唔抵嘅，評審角度覺得佢好就好。呢啲唔係講資歷，係講做得好唔好，我都入行兩年就拎金像獎女主角啦！我唔會因為冇獎而唔開心。冇所謂啦！最緊要參與，唔通冇獎要『揼』地咩！」頒獎禮上，失聲的譚詠麟亦頂硬上壓軸演出，大會加設「天降Joy星」獎項給曾志偉，表揚他對慈善活動的付出及貢獻。
薛凱琪砌低惠英紅奪「電影傑出表現女演員」。
惠英紅
曾志偉獲大會頒發「天降Joy星」獎座，由阿倫及贊助商代表金至尊珠寶主席黃英豪博士（右）頒獎。