驗血揭隱疾周秀娜甲狀腺失調
性感女神周秀娜（Chrissie）早前替某網頁拍攝照片，一改以往性感作風，以一身型格造型示人，Chrissie坦言不用開工的日子，愛作簡單及密實的打扮，加上黑衫令人看起來更瘦，所以衣櫃裏的衫大多是黑色！問到冬天是否暫且「封胸」，她笑說：「雖然我怕凍，但都係愛靚唔愛命，其實身體都比之前差咗，之前好唔舒服去驗血睇醫生，點知話我甲狀腺有問題，當時我喺台灣收到醫生呢個電話真係好驚，第日即刻飛返香港，好彩醫生話唔係好嚴重，但身體就弱咗囉！」
出道以來工作接不停的娜姐，問到是否「財多身子弱」？她說：「唔覺財多囉！我工作同收入係唔成正比，不過冇所謂，最好多啲工作，愈多愈好，趁後生梗係搵錢至上。」娜姐更坦言入行後已對大時大節沒感覺，因為經常在工作中度過，故已向經理人申請在農曆新年放假：「一早同公司講明，真係要休息抖吓氣，順便去泰國還神！」
周秀娜身體欠佳，被驗出甲狀腺失調。