佘詩曼：諗過外闖
最近有傳佘詩曼因不滿鄧萃雯獲頒視后而不續約TVB，昨日她與林莉及周倩圯出席活動時否認傳聞：「點會不滿？頒獎禮實有人有獎有人冇獎，我都唔係冇獎攞！（安慰獎嚟o架？）點為之安慰獎先？唔通得一個獎咩？我唔知啲風喺邊度吹出嚟，我仲係TVB嘅藝人，仲有一、兩年約，洽談中！（有咩要求？）每次續約都有要求，加人工囉！（攞獎呢？）吓！乜有得咁o架咩？」
因內地市場龐大，極需要香港演員，阿佘說：「曾經考慮外闖！」問到薪酬是否比香港高，她說：「錢就差唔多！拍劇係內地多啲，但計埋剪綵、拍廣告等就差唔多，都係睇製作質素！」對於有傳林文龍與鄭嘉穎因不夠班而被飛出劇集《法證先鋒3》，身為該劇女主角的阿佘說：「吓！點會呀？TVB粒粒都係星，做得主角都係好，咁講對藝人唔公平。」她又透露想親身領取演藝人協會頒給她的傑出表現女演員獎，認為該獎對她鼓勵很大。
因內地巿場龐大，佘詩曼坦言曾考慮離開TVB往外闖。
林莉擔任模特兒示範最新妝容。
林莉（右）與周倩圯穿上短裙仔示人，明艷照人。