古天樂攞正牌煲爛冬瓜
古天樂向來普通話麻麻，但近年已漸有進步。不過，最近他在電影《一路有你》中飾演穿梭中港的貨櫃車司機，攞正牌講半鹹淡普通話與內地女星黃奕談情。
前晚古仔與黃奕及莫文蔚（Karen）出席新片首映禮時說：「唔係用母語演戲有難度，我有請教佢哋，有咩要糾正我。（接演呢套戲時有冇擔心？）個戲嘅特色係講回歸後中港司機返內地工作，講佢哋啱啱學，唔需要咬字太正。」Karen卻大讚古仔講普通話有進步，表現有自信，至於有否睇過古仔的爆笑輪胎廣告，Karen笑說：「有睇，所以搵佢做呢個角色咪啱囉！」對於早前有報道指舊愛馮德倫與徐若瑄分手，Karen坦言不清楚：「我哋咁多年好朋友乜都傾，如果佢真係想講嘅會話我聽。」
另外，失婚黃奕表示新一年暫未需要新感情，現只想跟工作談戀愛，享受現狀。由爾冬陞監製的新片，被指與其舊作《忘不了》相似，女主角黃奕亦無懼挑戰《忘》片的張栢芝，連拍喊戲亦哭出不同層次，獲導演趙崇基大讚。
黃奕（左起）、莫文蔚及古天樂在首映禮上談笑風生。
莫文蔚大讚古天樂的普通話有進步。
演悲情片的黃奕，在新片中超越自我，無懼挑戰《忘不了》中的栢芝。
張栢芝