何潤東同發哥鬥戲手震腳軟

何潤東在娛樂圈打滾多年，可謂見慣大場面，沒想到碰上國際巨星周潤發時，竟像小影迷般，手震兼腳仔軟，認真搞笑！

何潤東（Peter）、黃宗澤、陳靜（DaDa）、港男翟威廉和日模松岡李那等，日前出席上水廣場舉行的《大中華群星閃爍迎2011》活動。匆匆由深圳趕來港的Peter，獲大批影迷到場支持，Peter更與新鴻基地產代理有限公司租務部高級推廣經理劉文豪一同倒數，而Peter在港居住的舅父也特別前來，與他見證新一年的來臨。

正忙於北京拍攝新片《大鬧天宮》的Peter表示，近日已開始與飾演「玉帝」的周潤發拍攝對手戲，他自言雖入行十多年，但與發哥碰面時卻變得十分緊張，手震又腳軟，他說：「唔知點解，自己就會唔知點演戲，好在發哥真係好有耐性，同埋大家都鍾意影相，諗住一有機會就向佢偷吓師，學吓嘢囉！」

感激徐克知遇之恩

已很久沒有拍攝港產片的Peter不諱言於未來日子，希望有機會與本地導演合作，回想首部港產片作品《梁祝》，Peter也不得不嘆時光飛逝：「當年拍呢部戲時，原本我只係一個臨時演員，但後來獲徐克導演賞識，我就換咗演一個戲份重啲嘅角色，好感激佢，好想再同佢合作，話畀佢聽我已經大個仔嘞！仲有我都好欣賞杜琪峯，好想佢帶我行吓康城紅地氈。」

至於同場的日籍名模松岡李那，對首次在香港倒數大感新鮮，雖然演繹宇多田光舊歌時出現蝦碌情況，令她被迫中途清唱，但唱功不俗的她仍獲不少掌聲鼓勵。