李思捷擺戀情上枱 伊健約定蒙嘉慧周四求婚

昨日馬浚偉、陳法拉、蒙嘉慧（YoYo）與李思捷等演員現身商場，為新劇《誘情轉駁》結局篇造勢，期間大玩遊戲。其中一個是男演員以卡紙上的數字作情書，向女演員示愛兼求婚。YoYo與思捷被安排一組，雖早已夾定台詞，豈料思捷突然「爆肚」擺「蒙麵戀」上枱！

玩完追打「報復」

拿着道具花的思捷開腔便向YoYo發誓：「呢個星期四四點，約咗鄭伊健喺四季酒店講愛你，我代表伊健向你求婚！I Love You！」他還扮伊健唱情歌冧YoYo，搞到她沒好氣地攤開雙手，待他完成求婚即追打「報復」。

事後，YoYo表示不介意被玩：「原本唔係咁，佢臨時轉晒，可能做得多『福祿壽』，真係唔夠佢嚟。唉！我唔食點心喇！」提到同劇的洪天明有意於今夏結婚，她笑說：「我儲定禮物，家蔚咁靚女佢執到！（喺外地註冊喎！）就算喺天涯海角，我都買機票去。」至於已有圈外女友的馬浚偉笑言尚未求婚，但屆時定必準備戒指，並以下跪方式來求婚：「10卡鑽戒勉強都得！」