頒獎遇樹枝墮地鍾楚紅險中頭獎
熱心環保的鍾楚紅昨日出席環保活動，現場風勢很大，當她準備上台頒獎時，突然有一條長三呎的樹枝墮地，擊中她身旁的工作人員，而她亦被幼枝尾部打中，她卻淡定地說：「冇事！我最鍾意樹木。」紅姑熱愛大自然，不時獨自行山，問到會否擔心安全？她說：「當然揀啲安全嘅地方行。（搵個伴侶一齊行？）你哋想問我有冇男友啫！我真係冇，個心仲係喺以前度（亡夫）。」仍未忘情的她笑言正適應單身生活。
有傳打算離港移居新加坡，皆因彼邦有好友周潤發夫婦照應，紅姑聞言否認：「唔會！香港係我嘅根。」最近有傳發哥炒樓賺逾千萬元，紅姑自言不懂炒樓賺錢，喜歡過悠閒生活。
紅姑（箭嘴示）上台時有樹枝墮地，工作人員「中獎」！
紅姑稍後有機會到江西探訪，欲向當地人民灌輸環保知識。