換衫除剩Bra趙碩之蝕「底」畀師弟
昨日趙碩之聯同師弟鍾一憲與師妹麥貝夷，為《東區文藝薈萃工展》時裝騷擔任模特兒。趙碩之所示範的兩套服裝均比較密實，其中一條黑白色短裙只微微露半吋「事業線」，問到是否浪費豐滿身材，她笑說：「係學生嘅設計，大家都知我身材好，個胸攞唔走嘅，適當時候會攞出嚟，大家都會掛住佢。」
碩之自爆與師弟妹於後台同一房間換衫：「頭先喺後台除衫時唔記得師弟仲喺度，佢見到我即刻話：『吓！我喺度o架！』嗰陣我先知，但當時已經除剩Nude Bra同底褲！」鍾一憲聞言即澄清：「我冇特登望！平時我哋喺保母車都一齊換衫，我仲有幫手用塊布遮住佢。」碩之表示一起換衫時會着師弟瞇埋眼，還讚他冇邪念，但師妹卻爆料指看到他偷望，搞到碩之笑言信心動搖！
趙碩之着露背裝密實行騷，預告適當時候才會晒料。
趙碩之（中）與師弟鍾一憲及師妹麥貝夷示範時裝，自爆換衫趣事。