DaDa爆阿媽詐型下令禁肉

「百果園咪神」陳靜（DaDa）與「翻版大S」李宥彤（Liz）化身性感兔女郎出席活動，DaDa透露今年打算推出最後一本個人寫真，但不會突破性感程度，令人失望。

模特兒DaDa與Liz昨日到大埔超級城出席有關動物的公開活動，齊齊着短裙扮兔女郎。兩人表示雖不是首次扮兔女郎，但因性格比較男仔頭，故覺得有點奇怪。提到養動物經驗，她們直認不在行，過去所養的動物最後都不幸病逝。問到有甚麼新年願望？Liz搶着說：「希望可以拍拖！想有人錫嘛！天氣咁乾燥，個人好Dry呀！哈哈！」不過，DaDa坦言暫時不想拍拖，只希望專心工作。

唔怕失去粉絲支持

提到新一年工作大計，兩人均表示工作時間表早已排滿，Liz將會忙於為早前與鍾鎮濤、方力申及鄧麗欣等合作的電影《宅男總動員》宣傳，DaDa則打算推出最後寫真集，但打算收起性感，令人驚喜之餘又失望，她說：「今年會出埋最後一本寫真集。（諗住退出？）唔係！驚出得太多啲讀者會覺得『滯』。（徹底性感？）唔會喇！上次本年曆太性感畀媽咪話，所以唔會太徹底囉！」不過，她坦言不怕因此而失去粉絲，認為真心支持的粉絲不會介意偶像收起性感。

提到元旦日iPhone出現鬧鐘失「鈴」問題，DaDa與Liz亦差點兒中招，DaDa說：「我部iPhone個鬧鐘都唔識響呀！好彩媽咪前一晚嚟咗陪我，佢叫我起身先冇遲到！」Liz則慶幸於鬧鐘響之前已經起床，順利陪伴家人飲茶。