狄易達做夥計火燒廚房

跳舞歌手狄易達平日總愛穿上七彩繽紛的服飾,在舞台上勁歌熱舞,說到「冰室」與達仔的關係,極其量只能想到「開餐」兩字,豈料他竟穿上白色制服配摺褲腳襯皮鞋造型,搖身一變成為懷舊冰室夥計!

達仔在「試工」過程,由落單、沖茶、切麵包、搬貨到拖地,樣樣做到足,雙手拎滿多士及奶茶都未有失手打爛杯碟,原以為他能順利完成每項任務,誰知卻被煎蛋難倒,更連鑊都燒着!被嚇得心慌慌的他,以爛Gag遮醜說:「細鑊燒着咗會變咩?咪大鑊囉!」雖然火燒廚房,但達仔未有放棄,定驚後再次拿起鑊鏟:「平日我都有喺屋企整嘢食,不過嚟到冰室啲格局好唔同,燒着嘢只係意外,一時間掌握唔到啲火嘅大細啫!」

睇嚟容易 做起艱難

再接再厲的達仔更找來師妹蔚雨芯(Rainky)當白老鼠,一試其炮製的蛋治,Rainky笑說:「好好味!達仔應該平日有嚟呢度秘撈,頭先一定係扮唔識,特登燒着個鑊!」經過差不多一小時的「試工」,達仔對夥計工作有更深了解:「平日見佢哋好似好容易咁,兜一兜、切幾切就搞掂,但估唔到要整得好食,好考工夫,睇嚟我都係乖乖地坐喺度等食比較適合,真係夥計唔易做o架!」

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

陳寶

達仔沖奶茶姿勢十足,但未知手勢如何?

看似簡單的煎蛋,達仔竟搞到火燒鑊收場!

達仔放下藝人身份,落手落腳拖地,絕不欺場。

達仔落力搬貨及切麵包,小心翼翼,非常專心!

雙手拎滿多士及奶茶的達仔,請師妹蔚雨芯品嘗其「傑作」。