舒淇千嬅 飛短留長
短裙熱褲由夏季着到入冬略嫌沉悶,踏入2011年,不如改玩鬥長,將連身長裙、Overall及長褸傾巢而出。鬥長亦不失性感,倣效舒淇前短後長玩另類,凸顯美腿,總好過每日爭「事業線」之長短。
舒淇着得靚
「襯佢嘅,只係後面幅布怪怪哋,係款式問題,如果冇咗會冇咁突兀,加番條吊墜頸鏈仲好,依家心口位置太空。其實東方人比較矮,比較難Carry長裙,舒淇算係着得幾靚。」
評分8
千嬅似麻包袋
「呢個款顯得千嬅太矮,變咗一碌,好似跳麻包袋咁,條裙款式老土,唔好咁長,長度應該去到露番對高踭鞋嗰位好啲,而條頸鏈就要長少少。」
評分7
鄺美雲配搭得宜
「露腿顯得後生啲,佢套深色晚裝好突出,而Cally套珠寶襯得好靚,着呢對深色涼鞋款高踭鞋好啱,恰到好處。」
評分7
祖兒長靴煞食
「容祖兒着黑色長靴好聰明,件衫咁長已經夠煞食,簡單着靴就啱喇,而綠色好大舊,所以髮型就愈簡單愈好,好似佢咁束晒上去就最好。」
評分8
何韻詩唔長唔短
「套衫阿詩着就OK囉!不過嫌套衫唔長唔短,個位好尷尬,着長身衫至怕就係着到咁,人哋睇落會想幫佢整長啲或整短啲,佢件衫包到冚,髮型都評唔到。」
評分6
梁郁霖焦點被搶
「好夏天,都靚嘅,但顯得有啲老,條裙似呂慧儀着,佢條事業線太勁,令人不停望住,耳環有啲搶咗焦點,換淨色好啲。」
評分6
江若琳髮型唔襯
「略嫌佢條宮廷裙短咗啲,真正係應該見唔到腳,而髮型又唔夠宮廷式,應該盤個髻加個皇冠,高貴得嚟又少女,或者Set個豬腸曲髮都得。」
評分6
莊思敏高挑美感
「佢夠高Carry長裙,有味道,只係顏色麻麻,個款嘅釘珠有啲老土,而且唔應該配呢個髮型,最好將長髮放落嚟會好啲!」
評分7
黃婉君至索媽咪
「佢同妹妹黃婉佩出席活動,第一次睇黃婉君着大肚晚裝,款式好,高衩露腿露得OK,唔核突,銀色又襯佢膚色。」
評分7
設計師Profile
陳刀在香港理工大學修讀設計後,創立個人的時裝品牌,他亦有份為剛舉行的叱咤頒獎禮設計服飾。
舒淇着得靚
千嬅似麻包袋
鄺美雲配搭得宜
祖兒長靴煞食
何韻詩唔長唔短
江若琳髮型唔襯
莊思敏高挑美感
黃婉君至索媽咪
梁郁霖焦點被搶