薛芷倫Ball后回歸
早前盛傳患病而絕迹Ball場的名媛薛芷倫（Fanny）前晚出席除夕派對，久未露面的Fanny較以前豐滿不少，穿上低胸豹紋晚裝的她上圍更有睇頭。她表示身體狀況很好，至於新年願望，她說：「身體健康，開開心心，世界和平。（另一半呢﹖）未有。（身體係咪已經好番晒﹖）係呀﹗我仲肥咗又白咗。」
同場還有吳家麗、莊恩敏及王秀琳（Mango）等，Mango與男伴同車到場，問到是否男友時﹖她直認二人有發展機會：「係朋友，女仔去呢啲場合要有男伴襯托。（同郭富城冇得發展？）向來係普通朋友。（佢最近又傳緋聞？）近排冇睇新聞。（有冇聯絡﹖）冇。」莊思敏則自言新年願望是日日有工開，對於徐子淇再傳喜訊，她說：「恭喜晒！我當然想佢今胎係仔，因為已有兩個女，係時候生番個細佬。」薛芷倫昨晚在微博留言表示，已有年半沒有出席社交場合，在派對上與舊友重聚，恍如隔世。
薛芷倫狀態大勇，自言肥咗又白咗。
Mango直認與男伴有發展機會。
吳家麗的Deep V晚裝高貴性感。
莊思敏與妹妹莊思明（右）結伴參加派對。