祖兒喊住破紀錄6度封后

《叱咤樂壇流行榜頒獎典禮》昨晚揭盅，連續11年躋身叱咤女歌手三甲的祖兒，第6度捧走金獎，而以5獎成為大贏家的陳奕迅，則7度奪得男歌手金獎，雙雙破紀錄！ 本年度第二張樂壇成績表《叱咤樂壇流行榜頒獎典禮》昨晚舉行，祖兒與陳奕迅（Eason）承接去年佳績繼續揚威，其中祖兒第6度奪得女歌手金獎，而冧莊歌王的Eason則以5獎成為大贏家，並7奪男歌手金獎及6度當選我最喜愛的男歌手，他特別多謝歌迷，並笑言入行15年來今年嗓子最差！

至於情緒激動的祖兒，在台下已滿眼淚水地握住何韻詩、Eason及古巨基的手，她致謝時說：「多謝，宣布時不斷回憶我1年嚟嘅工夫，相信冇今年演唱會唔會得獎，所以演唱會好重要。好多觀眾朋友問我哋緊唔緊張賽果，我可以話係會，但唔係賽果，而係對我啲歌同演唱會嘅評價。今朝阿詩Send Email畀我，話有樂評人畀個最佳進步獎我，佢一直覺得我係唱歌機器，但睇咗演唱會，覺得我真係愈唱愈強，我想講歌手係需要鼓勵。」

千嬅感激老公不離棄

至於榮升「丁太」的楊千嬅，勇奪叱咤女歌手銅獎後眼濕濕說：「今次真係冇諗過，已經3年冇攞女歌手，等待期間學會替人快樂，係好高成就，今日再攞係抱金獎心情攞銅獎，一樣咁興奮！」而她與銀獎得主謝安琪，不約而同公開多謝老公，千嬅說：「多謝我先生，喺過去3年我最迷惘嘅時候對我不離不棄。」至於謝安琪奪得歌曲獎後有感而發說：「今年可以出國語碟一啲都唔易，每次台上得獎嘅人，都想有台下歌手支持，希望2011年可以見到團結一致、步伐一致嘅樂壇。」而憑歌曲《時代》奪得歌曲獎的古巨基，亦憑歌寄意說：「時代令天空塌下來心晴朗，希望大家用晴朗的心去改變風雨天堂。」

RubberBand贏至尊歌曲大獎

另外，今年Band Sound組合強勢回歸，樂隊RubberBand與Mr.均成績驕人，當中RubberBand憑《Simple Love Song》首奪至尊歌曲大獎，同時捧走組合銀獎及編曲人大獎，他們領獎時激動地說：「多謝雷頌德同黃柏高栽培，做呢隻歌嘅時候感覺好舒服、溫暖，好想同大家分享呢個感覺。」