官恩娜一屋三狗有愛無類

歌手官恩娜（Ella）自小與狗為伍，現時家中共有三頭愛犬，包括牧羊狗Barney、貴婦狗Woody及唐狗Security，全是雄性及年約一歲大。談及家中的三隻「寶貝仔」，Ella即心花怒放：「佢哋真係好乖，三隻狗唔會亂吠、周圍撲人、呷醋或者打交，佢哋好定，好抵錫o架！不過因為Security好活躍，好難同佢影相，所以暫時唔可以介紹畀大家識。」Ella指Barney及Woody全是妹妹自寵物店買回家，而Security則是哥哥自地盤執回來，她說：「雖然Security係被人遺棄嘅流浪狗，唔係名種，但我一樣咁錫佢，對佢哋嘅愛係無分彼此嘅。」

問Ella為何如此愛狗？Ella覺得狗有靈性，她說：「我好鍾意返屋企同啲狗狗玩，佢哋識氹你開心o架！如果Shopping同陪狗兩者擇一，我一定揀同狗仔玩，係最佳嘅減壓方法。」Ella又謂以前最愛幫狗狗買衫扮靚靚，但原來狗狗不愛時裝，故沒有再買，改為買狗零食，讓牠們大飽口福。