變態霆鋒虐待冰冰
謝霆鋒在英皇賀歲電影《新少林寺》中，大肆羞辱范冰冰，極其變態，霆鋒自評演出「衰到冇人有」！
謝霆鋒為新片一改戲路，首次演奸角的他，向戲中對手范冰冰施以酷刑，扯頭髮、拖地行及浸水缸，更將冰冰困在獸籠中，又用舌頭舐冰冰的臉，霆鋒說：「陳木勝導演搵我做呢個奸角時，我同自己講，一係唔做，要做就奸到盡，衰到冇人有！（嚇怕冰冰？）我同佢識咗十年以上，有晒默契。」他更笑言這是特別「醒」對方的：「佢好明白啲虐待戲係畀位佢發揮，我諗若果對手唔係冰冰，效果未必有依家咁好，亦未必拍得咁流暢。」
合作有默契
而冰冰亦對霆鋒投以信任一票，她說：「我同霆鋒拍之前都傾得好清楚，同佢合作好多次，好信任佢，就算佢浸我落水，我一啲都唔驚！」
另外，栢芝帶兒子Lucas到澳門慶祝新年，昨日有網友拍得栢芝手抱Lucas落船的照片，並上載到微博，網友更大讚Lucas說：「影得半邊面，一樣咁可愛！」
被霆鋒扯頭髮的冰冰，痛得面容扭曲。
演大奸角的霆鋒挑戰演技！
冰冰跪地向霆鋒求情，卻不得要領。