陳靜收身闖影壇裸威

「百果園咪神」陳靜（DaDa）玩「波」迎接「2011」，祝願大家新年進步、男型女索！去年DaDa人氣爆燈，跑贏一眾咪神模，搶盡「峰」頭，今年她揚言積極收身谷咪「裸」入影壇創高「峰」！

去年o靚界戰況激烈，踏入2011年元旦的大日子，憑33D驕人身材殺出重圍的DaDa，捧着代表「2011」的桌球祝大家新年進步、男型女索，她更以惹火嬌軀擺出「2011」數字贈興，令人血脈沸騰。曾拒拍半裸戲的她表示，今年將進攻影壇：「當時我只係擔心身材未夠完美，因為冬天經常打邊爐，真係肥咗！不過今年我已定下收身目標，積極減肥。（唔怕上圍縮水？）唔怕，我會Keep住瘦身唔瘦胸！」問到積極收身是否會改變初衷拍裸戲？她說：「當時唔想半裸係因為身材唔夠好，下圍唔夠Firm。當我收身達標，唔排除半裸露背演出，其實我仲需要時間衝破心理關口，目前只可以接受着泳衣見人！」

唔怕師妹搶「峰」頭

對於經理人公司繼「E Cup教主」鄧伊玲（阿旦）後，又簽「爆E超蓮」鍾永慧（Iris），DaDa坦言冇有怕，無懼師妹來勢「胸胸」，身為公司「一姐」的DaDa揚言公司密密簽靚女加盟是好事：「唔怕佢哋搶『峰』頭，我哋各具特色！」

服裝：Killah　場地：凡高廚房