DaDa拒半裸Iris要着衫

有「百果園咪神」之稱的陳靜（DaDa）、「爆E超蓮」鍾永慧（Iris）、「o靚模狀元」蔡瑩瑩（Ivy）、「巨胸法拉」梁筠兒（Bambi）、「E Cup教主」鄧伊玲（阿旦）、「翻版大S」李莉琳（Liz）、洪天明舊愛梁郁霖（Lillian）及王梓如（Ayu），昨日舉行年曆簽名會。DaDa透露目前正與內地片商接洽：「如果傾得成就要離港兩個月拍電影，當中仲有沙灘場面！」問到會否效法「浸大E神」楊梓瑤半裸演出？她說：「真係好大膽，畀我就唔敢做！」而Iris亦直言不能接受過激劇情，問到其性感底線？她說：「要有衫着，Cover到重要部位！（僅僅遮到？）唔得！要全部遮晒！」

至於同場的Ivy透露剛以滿意酬勞接拍了兩個廣告：「每晚都見到自己幾次！」她又暢談拍攝快餐店廣告的趣事：「佢哋準備咗三十個漢堡包，我講一句嘢，對手就要食一啖，最後佢食咗廿幾個包！」問到聖誕是否與男友共度？單身的她說：「我好多年冇試過單身過聖誕！以前重色輕友，其實同朋友過都可以好開心！」