羽翹皮膚白滑靠「搞機」
歌手羽翹（Ava）因上載化妝短片至YouTube而成為「代妝女王」，最愛四出搜尋新奇化妝品的她，近期新寵是HABA ION機王：「首先要搽護膚品，之後就用呢部機喺塊面度碌，碌完之後會好上妝，塊面仲即刻變得又白又滑！」除了護膚品外，她亦會收藏靚粉盒，最近便購入Maquillage的特別版粉餅盒：「個盒好靚，黑色有閃石，同埋隻粉餅好好用，全日都唔會泛油光！」為了令靚靚化妝品有個「安樂窩」，她專誠買了一個Paul Frank粉紅色化妝袋：「呢個品牌第一次出化妝袋，個袋夠大，可以裝晒我啲化妝品！」
此外，Ava透露多個名牌手袋因過度負重而損壞，故已購入一個新袋：「呢排見到羅志祥代言嗰個美國品牌嘅袋Manhattan Portage，真係好實淨，依家就算裝好多衫褲鞋襪都唔驚！」
Ava誠意推薦HABA ION機王，用後可令皮膚白滑。
Maquillage經常推出特別版粉餅盒，Ava亦收藏了數個。
Ava新寵是羅志祥代言的Manhattan Portage。