高鈞賢被偷吻硬晒軚

余慕蓮與魯芬昨日趁聖誕「大贈送」，分別以兔女郎及「大導彈」Look示人，魯芬更一度「偷襲」高鈞賢，在對方臉上留下香艷唇印，令高鈞賢即時硬晒車太。

三度為展覽Cosplay的余慕蓮，昨日以「兔女郎」造型示人，與首次裝上「大導彈」的魯芬、高鈞賢及翟威廉出席活動，大會安排兩對「新人」上演浪漫場面，除了跪地求婚外，更要求男方抱起女方，高鈞賢得知要抱起魯芬，即搞笑地做了三下掌上壓熱身，但仍未能抱起體重逾200磅的魯芬，身旁的翟威廉見狀即施以援手，令高鈞賢成功抱得「美人」歸，事後高鈞賢說：「要抱都抱得起嘅！之前拍《肥田囍事》連肥田都抱過啦！」

嚇到面紅冇眼睇

其後魯芬與高鈞賢作狀「咀嘴」拍照，並突然偷襲對方，在對方臉上留下唇印，而高鈞賢更嚇到冇眼睇兼笑容僵硬，但仍大方被魯芬再度親臉拍照，他說：「我同好多女藝人合作過，但今次真係面紅！」而魯芬表示今次並非首度「上彈」，並期待嘗試不同造型：「脫衣女郎OK o架！有得出場就得！」被魯芬搶去風頭的余慕蓮笑言，最喜歡扮鬼扮馬：「依家冇咗歡樂今宵畀我哋發揮，不過有呢啲機會我都好開心！」