千嬅被玩險變「落湯雞」丁子高嗌兄弟收隊
楊千嬅與老公丁子高前晚平安夜舉行婚宴派對,多位名人紅星出席,包括莊思敏與男友吳浩康、何超儀、徐濠縈及謝天華等到賀。千嬅與老公晚上會見傳媒後即返入會場招呼賓客,期間還上台唱冧歌,氹得千嬅笑逐顏開。踏入聖誕一刻,千嬅與老公開香檳及倒數慶祝。由於姊妹團在接新娘時「玩謝」一班兄弟,令他們深深不忿,剛巧會場有個大泳池,兄弟逐一推姊妹落水報復!眼見姊妹受苦的千嬅即說:「等我出嚟頂!」丁子高為免太太變「落湯雞」,隨即叫兄弟收隊,眾人玩至凌晨三時各自歸家。曾涉醉駕的天華面紅紅到場,他承認飲了少許酒:「今晚冇揸車,嚟同走都會搭的士,自從攞番車牌之後冇試過酒後駕駛!」
另外,昨日再度傳出黎明太太樂基兒懷孕兩個月,並指他不出席楊千嬅的婚禮並非兩人交惡,只是為免相沖,黎明父親與街坊傾談時更自爆將榮升爺爺,但兩位當事人在截稿前仍未有回覆。此外,內地舉行的春節晚會今年邀請不少娛圈夫婦檔上陣,黎明與樂基兒亦在被邀之列,還有謝霆鋒及張栢芝。
丁子高與千嬅上台獻唱又祝酒,全場氣氛高漲。
千嬅代姊妹團接受大懲罰,幸好獲老公丁子高解圍。
吳浩康帶同女友莊思敏到場,未知是否來「取經」?
千嬅(中)獲不少好友撐場,包括何超儀(左)與徐濠縈。
千嬅全晚心情勁High,一見舒淇即擁抱合照。