陳美詩墮網絡騙局 怒斥冒牌貨
今次徐子珊被盜用名字開微博，陳美詩、楊思琦與胡定欣等藝人均「中招」，特別關注這位「冒牌子珊」！陳美詩昨日大表驚訝：「可能我係好早期Add佢，冇留意有冇『V字』！可能係佢某啲特別Fans太想知佢私下同咩朋友傾偈，但呢個方法真係好唔啱！」美詩透露已非第一次誤墮網絡陷阱：「我試過Add過郭晉安，Fans提醒我先知係假！年幾前仲有人盜用我嘅相片同資料喺Facebook開帳戶，我嘗試用屋企人嘅帳戶同對方聯絡，但佢冇回覆，我惟有開個Fans Club網頁，周圍話畀人知嗰個係假嘅。」
