傅嘉莉家有好狗的貓
模特兒傅嘉莉（Kelly）飼養了兩頭摺耳貓，分別是四歲大的Bebe及兩歲大的Gebe。她表示養Bebe全靠有緣：「我去寵物店見到Bebe，原來佢主人想生BB，所以放喺度睇吓有冇人啱，結果買咗返屋企。」她讚Bebe十分有靈性，返家一定在門口等待：「教佢做動作又識做，反而似狗多啲！」飼養大半年後，朋友送了Gebe給她，Kelly說：「雖然Gebe都乖，但始終冇Bebe咁叻。」
不過，個性活潑的Bebe曾離家出走，嚇得Kelly不顧身世尋貓，她說：「嗰晚同朋友傾到半夜四點，離開時Bebe突然標咗出街，搵勻晒屋企附近都唔見佢，我嗰陣心都離埋！好彩三、四個鐘後，見佢瞓喺屋企樓下，好似玩到好攰咁，好在冇受傷。」自此Bebe變得乖巧，不敢再離家出走。
傅嘉莉指Bebe曾離家出走，當時要四圍尋貓，認真狼狽。