吳若希聲控打Message 關心妍「單撈」新歌有捷徑

唱得之人關心妍（Jade）私底下非常愛聽歌，「KKBOX」成為其iPhone非裝不可的App！這個聽歌App安裝後，只需每月繳費便可聽盡全球新歌，她激讚是個支持正版的好方法：「因為呢個App會畀番首歌嘅版權費，佢啲歌Update得好快，令我更快聽到其他本地歌手嘅新歌，有時出活動撞到佢哋都有多啲話題！」Jade表示亦可在「KKBOX」搜尋舊歌下載，更找到自己的歌曲：「除咗新歌，就連我出道以嚟十幾隻碟嘅歌都搵到，好犀利！」

至於樂壇新人吳若希（Jinny）自封實用派iPhone用家，愛傳短訊與朋友聯絡的她略嫌iPhone預設的手寫中文輸入法速度慢，近日熱捧一個聲控輸入的免費App「賽微輕鬆說粵語版Lite」。只要對着iPhone開聲，通過語音辨識技術便能將聲音化為文字，Jinny說：「個App反應好快，啲字好快出嚟，雖然有時會有啲出入，但係改少少始終快過手寫，我試過喺屋企對住佢唱晒成首歌，歌詞有九成啱！」