DaDa娜姐聖誕晒料普天同(慶)
聖誕節又到,DaDa與周秀娜近期頻頻騷事業線兼談性,提早Happy X'mas,睇到男士合合!其他女星亦着到成份禮物咁款應節,好似「Neway妯娌」陳法拉同諸葛梓岐撞晒黃芥末色,真係心有靈犀。
周秀娜回味床戲
周秀娜懶理嚴冬,露事業線當食生菜。向來說話出位嘅佢同「萬寧哥哥」沈志明拍完《婚前試愛》後,竟激讚志明拍床戲用力兼激進,唔怕男友呷醋咩?
楊謹華約女過節
楊謹華「敗犬女王」之名並非浪得虛名,去旅行都只係喜歡搵好姊妹蕭亞軒一齊去,又話兩個人去紐約過白色聖誕感覺好特別,冇男士在旁,聖誕當然特別啦!
陳靜極度平安
有人話「平安夜、失身夜」,陳靜(DaDa)被問到係咪該晚失身?她竟然自爆該晚並非節日,毫無紀念性,原來平安夜愈來愈安全!
楊梓瑤公開訴苦
「浸大E神」楊梓瑤真係好忙,忙讀書同拍戲之餘,又要忙露事業線!「事業」如此繁忙,難怪佢公開大呻做人辛苦:「我七日只係瞓十粒鐘咋!」
鄭融腰精晒腿
鄭融想當年有「小腰精」之稱,如今大個女拍MV唔可以再靠腰搵食,改露長腿。之不過高度有限,鄭融都係繼續扭腰好過。
Melanie Z.警鐘過細
新一代Canon女Melanie Z.承接上一代Jessica C.嘅傳統,最喜歡有乜露乜,拍攝年曆當然三點……式盡露人前,不過距離JC嘅「警鐘絕技」,Melanie仲有排學!
傅穎又喊又笑
有指羅仲謙因偷食而惹怒緋聞女友傅穎,未知是否伊人傷心過度,每次提起謙謙都愁眉不展,對住Fans立即笑番,又喊又笑,唔好睇喎!
鄺敏慧變大禮物
中巴鄺敏慧同崔建邦嘅戀情早已告一段落,現時發展另一段情嘅佢未知是否心情大好,胃口愈嚟愈大,身形明顯豐腴唔少,仲揚言會扮一份禮物送給男友,呢份禮物真夠「大」。
諸葛梓岐狙擊阿嫂
一對「妯娌」自不然會心有靈犀,諸葛「二仔底」死跟法拉着黃芥末色靚裙,仲話要同法拉鬥快出新碟,對法拉呢位未來大嫂「尊敬」非常。
陳法拉百萬過冬
今年成績斐然嘅法拉,攞完女配角後又準備明年出碟,難怪臨近聖誕心情依然靚絕,仲着上好「蝦」人着嘅黃芥末裙見人,好高興咁話成個冬天勁賺過百萬。
Baby女神依舊
Angelababy即使食飽「海綿蛋糕」,但依然無損女神地位,喺《2010中國十大宅男女神榜》中,Baby仍然榜上有名,足證佢仲係大把市場。
周秀娜回味床戲
陳靜極度平安
楊謹華約女過節
楊梓瑤公開訴苦
Baby 女神依舊
陳法拉百萬過冬