何韻詩前晚在伊館開騷，好友黃偉文、黃耀明、汪明荃及雙親撐場，余文樂則以「男朋友」署名送上花籃，阿詩以黛瑪造型扮菇上陣，又選唱網上Hit爆歌手謝金燕的《嗶嗶嗶》掀高潮。當阿詩唱出串燒聖誕歌時說：「做聖誕歌時諗起一位偶像。」歌迷大叫「容祖兒」，阿詩說：「我係話城城，郭富城。」
阿詩更落台與歌迷握手，歌迷將她逼埋牆，她大叫：「o靚妹，唔好非禮！」半年前沉澱自己的阿詩，自爆曾經迷失：「係成長必經，要面對失去。」完騷後她含淚提到愛貓逝世：「每次最忙時啲貓走咗，好辛苦！」
阿詩扮菇唱勁歌，令粉絲High爆。
