千嬅婚宴Part2 醉晒唔造人

丁子高和楊千嬅昨晚平安夜舉行結婚派對，宴請好友開P兼歡度聖誕。與千嬅傳不和的舊老闆黎明，繼擺酒當晚未能出席外，昨晚亦缺席派對，惟千嬅表示黎明已送上實用的禮物作賀禮。

丁子高和楊千嬅於本月20日豪擲逾2千萬元假君悅酒店舉行世紀婚宴，筵開48席招呼親友。昨晚丁氏伉儷假南灣海景酒店舉行結婚派對，順道慶祝聖誕節，大班圈中好友出席，包括舒淇、周柏豪、楊愛瑾、黃婉佩（Race）、葉童夫婦、錢國偉、袁潔瑩和卓韻芝等。

曾與千嬅傳不和的舊老闆黎明，繼補擺喜宴當晚，巧合地因擔任演唱會嘉賓而未有出席後，昨晚亦沒有現身派對，千嬅被問到時說：「派帖當日嚟得嘅都邀請埋出席今晚派對。」她透露黎明已送上實用的結婚賀禮給他們。雖然黎明沒有出席，但其舊愛舒淇則有到賀。

身穿銀色Deep V露背閃爆長裙的千嬅，佩戴一身鑽飾，高貴性感，她表示已做足安全措施：「一陣冇嘢影仲衰過走光！」千嬅偕同身穿運動款Crossover黑色西裝的老公丁子高會見傳媒。千嬅表示Dress Code以「閃」為主，並笑說：「要『行』過頒獎禮，自己結婚打扮梗要靚過頒獎禮。」

收逾70個相架

千嬅在傳媒面前與老公耍花槍，並踢爆老公於婚宴當晚早已被賓客灌酒「KO」，她說：「佢敬酒敬咗四枱已經畀人KO咗，其餘嗰40幾枱得我一個人頂，同埋得我一個送客。」丁子高則解釋因為喝了紅酒，再喝威士忌才被「KO」，千嬅又踢爆老公「回魂」後不停上台唱歌，由廣東歌唱到泰文歌，認真搞笑。

問到因醉酒當晚豈不能洞房「造人」？千嬅拋出金句：「飲醉酒造人，品質唔優秀！」丁亦附和：「今晚晏啲先開始。（造人？）唔係，晏啲先醉，造人唔係今日，要體格健康先造。」千嬅再說：「要佢06（清晨六時）吸靈氣同晨運，下晝就游水差唔多。（擇日？）冇用嘅！」

有報道指是次喜宴收了逾200萬人情，但擺酒才花100多萬元，千嬅笑說：「收禮物多個收現金，我哋收咗70幾個相架，20幾個水晶，仲有瓷器，全部價值不菲，點只200幾萬？」丁子高又透露表姐送了兩支不同牌子的驗孕棒給他。

舒淇Open等人追

此外，匆匆到場的舒淇表示送了一雙綠色香檳杯給千嬅和丁子高，問到是否不醉無歸？她說：「佢哋先不醉無歸，我有幾場派對要去，我應該要做灰姑娘！（搵緊另一半？）係呀！我已經有對象，係出年3月！3月拍電影。」她續說：「我冇人追，亦冇追人，亦冇拍拖，呢幾日真係好得閒！（歡迎所有追求者？）係呀！任何時間都Open！」不過她卻否認眼角高：「我對眼係開啲，唔係高，身材就高！」