34E Carol唔愛大胸男

憑34E上圍殺入電影圈的楊梓瑤（Carol），日前與來自台灣的師妹徐自璇（Cindy）化身聖誕女郎應節，穿上性感上衣的Carol盡騷E Cup身材，Cindy則施展45吋長腿搶鏡！

Carol與羅仲謙在新片《婚前試愛》中扮演偷食男女，二人的緋聞傳得熱烘烘，有指男方瞞住緋聞女友傅穎與她「暗交」兩個月，Carol說：「我哋只係朋友關係，拍檔就有，拍拖就冇喇！（有傳佢係集郵男星？）佢好有風度，唔係咁嘅人，就算拍床戲，都冇對我毛手毛腳。（有冇集你？）我又唔係郵票。」Carol坦言大隻男並非她杯茶，問到拍床戲是否很尷尬？她說：「非常尷尬，因為真係好激，現場有好多燈，大家都好熱，大汗疊細汗，加上我第一次拍咁激嘅戲，真係好緊張。」

師妹Cindy當聽到Carol與大隻仔合作拍戲，亦希望有機會拍電影，她說：「想入行學多啲嘢。（最想同邊個合作？）吳彥祖，因為佢好靚仔。（介意性感演出？）又唔會太介意，公司OK就得。」