周汶錡叫高以翔彈開

周汶錡與高以翔的緋聞甚囂塵上，二人昨日出席活動時雖然保持距離，但口供卻似「夾過」，異口同聲表示今後亦會小心。

模特兒周汶錡（Kathy）早前被拍得與台灣「粉紅乳頭男」高以翔當街Goodbye Kiss，令緋聞甚囂塵上。二人昨日齊齊出席代言的Megeve Beauty & Medical Centre活動，同場還有名模Amanda S.、Lisa S.、Ana R.及貝安琪等。未知是否怕男友呷醋？Kathy全程與高以翔保持距離：「今次除咗拍第二輯廣告，仲會做Styling！（熟晒高以翔嘅Size？）大會有畀我！（佢身材完美？）OK！啱做模特兒！」她表示知道對方有「乳頭男」之稱，但對「呢Part」冇興趣：「每個男仔都有，我個人唔鍾意睇呢Part！」對於高以翔曾指她並非理想情人，Kathy冷淡地說：「我哋只係合作做嘢，有火花係好事，但唔會因為咁而燃燒成感情！唔想再畀人誤會！（離佢遠啲？）係！」

獲同性讚靚仔

至於遲到近一小時的高以翔，解釋因較早時在內地出席車展，回程時塞車。他又澄清與Kathy只是工作上拍檔，並和應她保持距離之說：「我以後會小心，不會那麼靠近！（有女友？）沒有，三年沒有拍拖！」正忙於宣傳寫真集的他，被問到會否擔心吸引同志 ？他笑言「男女通殺」：「從來沒有男生向我表白，但有男生讚我很帥！」