廖碧兒回應貪錢：係呀！
被指搭上富貴男友林忠豪的廖碧兒，昨日出席劇集《依家有喜》宣傳，對於被指貪錢，她說：「係呀！雜誌寫嘅嘢我都控制唔到，我知邊個講出嚟。（我哋唔知喎？）心中有數。（你係咪指陳豪？）時間會畀大家知。（你講真相啦！男定女？）嗰個人自己會知。」問到林忠豪會否開電影公司捧她，她卻掉頭走沒有回應。
另外，鄭少秋昨日拍攝電視劇《心戰》時，談到拍檔陳豪慘變「雙失」，他搞爛Gag說：「陳豪傷咗膝頭咩？我唔知喎！」對於有傳趙希洛對陳豪「嗒糖」，秋官則未有為意：「佢係我世姪女嚟o架，好乖女，陳豪都好乖仔！（撮合佢哋？）嘩！我都唔得閒啦，日日忙住背劇本呀！」早前不慎從4米高的搭景墮下受傷的秋官已康復得七七八八，他說：「好番好多啦！尋日去咗敷藥。（有冇後遺症呀？）我周身都有後遺，休息唔夠呀！」
被負面新聞困擾的廖碧兒表示，誰人放料心中有數。